«Қазақ тілін дамыту» іс-шаралары аясында және Қазақстан халқы тілдері күніне орай Қоғамда «Ұлттық диктант» жобасы өткізілді.

Іс-шараға 15 қызметкер қатысып, мемлекеттік тілді меңгеру деңгейлері мен сауаттылықтарын көрсетті.

Диктант мәтіні ретінде ұлы ақын әрі ойшыл Абай Құнанбайұлының 14-қара сөзі таңдалды. Бұл қара сөзде адамгершілік, адалдық, әділдік және жауапкершілік сияқты құндылықтардың маңыздылығы баяндалған.

Іс-шара барысында Заң қызметінің қызметкері Жанболат Ерсұлтан қазақ тіліне деген құрметін білдіріп, тіл тақырыбына арналған арнау өлеңін оқып, көпшілікке ұсынды.

Іс-шара қорытындысы бойынша жеңімпаздарды марапаттау рәсімі өткізіліп, келесі номинациялар бойынша үздіктер анықталды:

— «Ең ұқыпты жазу»;

— «Ең көркем жазу»;

— «Сауатты жазу шебері».

Мұндай іс-шаралар мемлекеттік тілдің мәртебесін арттыруға, қызметкерлердің тілдік сауаттылығын дамытуға және ұлттық рухани құндылықтарды насихаттауға ықпал етеді.