«ШалқияЦинк ЛТД» АҚ ұжымы 4 маусым күні Қазақстан Республикасының Мемлекеттік рәміздері күніне орай салтанатты іс-шара өткізді.

Іс-шара дәстүрге сай Қазақстан Республикасының Мемлекеттік Әнұранын орындаумен басталды. Бұл күннің маңыздылығын ұлықтау мақсатында қызметкерлер арасында мемлекеттік рәміздерге байланысты танымдық сұрақтар қойылып, дұрыс жауап берген қатысушылар естелік сыйлықтармен марапатталды.

Бұл шара — мемлекеттік рәміздерімізге деген құрмет пен патриоттық рухты арттыратын маңызды сәт болды.

Мемлекетіміздің іргесі әрқашан берік болсын!
Туымыз тұғырлы, Елтаңбамыз еңселі, Әнұранымыз асқақ болғай!
Мемлекеттік рәміздер күні құтты болсын!