Әлеуметтік тұрақтылықты қамтамасыз ету жоспары аясында Шалқия ауылының №86 орта мектебінің оқушылары кенішке экскурсия жасады. Бұл шараның мақсаты – оқушыларды тау-кен өнеркәсібімен таныстыру, кеніштердің өңір экономикасындағы рөлін түсіндіру және геология мен пайдалы қазбаларды өндіру саласындағы мамандықтарға қызығушылықты арттыру.

 Оқушылар кен орнының негізгі объектілерін аралап, тау-кен технологиялары мен өндіріс қауіпсіздігі туралы маңызды ақпарат алды. Кен орнының мамандары оқушыларға тау-кен саласындағы түрлі мамандықтар мен болашақтағы еңбек мүмкіндіктері туралы айтып, кәсіби бағдар беру жұмыстарын жүргізді.

Өндірістік үдерістерді көрсету, құрал-жабдықтардың жұмысын таныстыру және оқушылардың сұрақтарына жауап беру арқылы болашақ мамандық таңдау жолында маңызды ақпарат алуға мүмкіндік берілді. Бұл шара оқушыларға тау-кен өнеркәсібіне қатысты мамандықтарға қызығушылықты арттырып, болашақтағы кәсіби таңдауларын жасауға көмек болды.

Шалқия кеніші жергілікті білім беру ұйымдарына кәсіби бағдар беру жұмыстарына қолдау көрсетуге және болашақ мамандарды даярлауға үлкен көңіл бөледі. Сондай-ақ, талантты және ынталы жас мамандарды өз ұжымына қабылдауға үміттенеді. 

Қоғам осы іс-шараға қатысқан оқушылар мен педагогтарға алғыс білдіреді және мұндай тәжірибенің жастардың тау-кен ісіне деген қызығушылығын арттырып, аймақтың және елдің болашағы үшін маңызды мамандықтарды таңдауға көмектесетініне сенімді.