Жаңа жыл — балалар үшін ең сүйікті және көптен күткен мереке. Барлық жерде мерекелік атмосфера орнап, жұрт оның келуіне дайындалуда – олар шыршаларды, түрлі жемістер мен тәттілерді, әрине, сыйлықтарды сатып алуда. Балалар үшін Жаңа жыл нағыз ертегі.

Сондықтан Жаңа жыл қарсаңында «ШалқияЦинк» АҚ  және  «Samruk Business Academy» ЖММ жұмысшыларының балалары үшін жаңа жылдық ертегі ұйымдастырылды. Ертегі кейіпкерлері балаларды сиқырлы әлемге баурап алып, олар Аяз ата, Ақшақар және басқа да көптеген ертегі кейіпкерлерімен кездесті.

Балалар ән айтып, би билеп, танымдық ойындар ойнап, шеңбер бойымен билеп, Аяз ата мен Ақшақарға дайындаған тақпақтарын оқыды. Жақсы дәстүр бойынша балаларға сыйлықтар, сондай-ақ ойыншықтар мен кәдесыйлар берілді.