Жыл сайын шілденің үшінші жексенбісінде «Металлург күні» —жұмысы Қазақстан экономикасының маңызды салаларының бірімен байланысты адамдардың кәсіби мерекесі атап өтіледі.Осы жылы мереке 21 шілдеге сәйкес келді.
17-18 шілде аралығында «ШалқияЦинк ЛТД» АҚ спорт залында дәстүрлі түрде «Металлургтер күнін» мерекелеуге орайластырылған бірнеше спорт түрлері бойынша тартысты және қызықты жарыс өтті. Оларға «ШалқияЦинк ЛТД» АҚ, ОҚФ «КӘАҚҚ РО» ЖШС, «Шериф НС» ЖШС және «Кинка Майнинг Констракшн» ЖШС қызметкерлері қатысты. Екі күндік спартакиада аяқталғаннан кейін жеңімпаздар шағын футбол, арқан тарту және үстел теннисі сияқты спорт түрлерінен Дипломдар мен ақшалай Сертификатарымен марапатталды.
