Елімізде тасқын су апатынан зардап шеккен Ақтөбе облысының тұрғындарына Жаңақорған ауданынан гуманитарлық көмек көрсету пункті ашылған болатын. Бұл жәйдан «ШалқияЦинк ЛТД» АҚ-ның қызметкерлері де шет қалмады.
Қоғамның жас мамандар кеңесінің бастамасымен Қоғам қызметкерлері арасында қажетті заттарды сатып алуға қаражат жиналды. Жиналған қаражатқа гуманитарлық жиынтықтар сатып алынды. Көмек көрсету пунктіне Қоғам қызметкерлері атынан көрпе, жастық, резеңке етік, күректер, қолғап және т. б. қажетті тауарлар өткізілді.
